OCTOBER
Come, dowie October, in mantle o' yellow,
Wi' the Hyp an' the Haw on thy fast-fading croon;
Come, soothe me a blink wi' thy speech sad and mellow,
As 'mang the brown Brackens I saf t' lay me doun!
0, lay on my lips frae the Simmer sun droothie
Ae blab o' the Bramble, November shall mar;
An' read me yer sermon sae saftly an' coothie,
While draps the last Row'n in the deep rocky scaur!
Thou tell'st me the friens that I loo'd in Life's Simmer,
Like thy chequered leaves frae my heart drap awa";
An' leave, o' the licht o' ilk face, but a glimmer,
Aboon the wild waste o' Death's drear driftin' snaw!
October, I lo'e thee ! Thy whisper is soothing;
There is Lore in thy face, there is wealth in thy
bowers:
Thy pensiveness adds but a charm to my musing
And sweet are my dreams through thy fast ebbing
hours!
James Rigg
No comments:
Post a Comment